'வீக் என்ட்' நகைச்சுவை!

'வீக் என்ட்' நகைச்சுவை!

'வீக் என்ட்' நகைச்சுவை என்பதை எப்படி வேண்டுமென்றாலும் 
பொருள்  கொள்ளுங்கள். வாரயிறுதி அல்லது weak end!

இரண்டு நண்பர்கள் சரக்கடித்து விட்டுத் தங்கள் அறைக்குத் 
திரும்பிக் கொண்டிருந்தார்கள்.

மணி இரவு பன்னிரெண்டு. எங்கும் கருங்'கும்மென்ற இருள்!

இருவருமே நிதானத்தில் இல்லை!

அவர்களுடைய அறை ரயில்வே லெவல் கிராசிங்கை ஒட்டிய 
காலனியின் முதல் தெருவில், இரண்டாவது மாடியில் இருந்தது.

வீட்டுக்காரன் ரயில்வே காண்ட்டிராக்டர். வீட்டு மாடிகளுக்குப் 
படிக்கட்டாக ஸ்லீப்பர் கட்டைகளையும், கைப்பிடியாக 
(Hand rails) இரும்புத் தண்டவாளங்களையும் பயன் படுத்திக் 
கட்டியிருந்தார்.

சரக்கடித்த நண்பர்கள், ரயில்வே கிராசிங்கைக் கடந்து 
காலனிக்குள்  அடியெடுத்து வைப்பதற்குப் பதிலாக, 
தண்டாவளத்தில் மெதுவாக  நடக்க ஆரம்பித்து விட்டார்கள்.

எதையும் அறியும் நிலையில் இருந்தால்தானே?

முதலில் நடந்தவன்தான் பலத்த யோசனைக்குப் பிறகு 
சொன்னான்.

"என்னடா கருமம், படி போய்க்கிட்டே இருக்கு?"

பின்னால் வந்தவன் சலிப்போடு சொன்னான்:

"மாப்ளே, படியை விடுடா! கைப்பிடி ஏண்டா கீழே 
இறங்கி விட்டது?"

அன்புடன்

SP VR சுப்பையா

========================= 

வாழ்க வளமுடன்!